E vetmja gjë që nuk duhet të bëni asnjëherë nëse keni dhimbje fyti

Është ajo periudhë e vitit kur të gjithë njerëzit fillojnë të kenë shqetësime nga të ftohtët, viroza të ndryshme, rrufë, grip, dhimbje fyti. Dhe nëse zgjoheni edhe ju me një dhimbje në fyt, atëherë shenjat nuk janë të mira. Gripi është aty. Po si të jeni më të sigurt që dhimbja e fytit të kalojë shpejt?

Mjekja specialiste Maria Marzella Mantione, përcjell një këshillë shumë të rëndësishme edhe të kolegëve të saj për diçka që nuk duhet ta bëni asnjëherë sa herë keni dhimbje fyti.

“Nuk duhet të hani ushqime të ngurta. Sa herë që keni dhimbje fyti, që dhimbja të kalojë më shpejt, duhet të eliminoni ushqimet e ngurta, sepse jua shtojnë dhimbjen. Çdo gjë që e keni të vështirë ta gëlltisni, është mirë ta eliminoni, sepse irritojnë dhimbjen”,- thotë Mantione. Ushqime të ngurta si toast-et, fruta të thata apo edhe të papjekura duhet t’i eliminoni. Dhe në vend të tyre, supa, ushqime të buta dhe sa më shumë lëngje. Gjithashtu, Mantione rekomandon një lugë mjaltë çdo mëngjes dhe mbrëmje.

Pra, nëse nuk doni që të zgjoheni edhe nesër me dhimbje fyti, atëherë bëni shumë kujdes me ushqimet e forta. Për t’iu shtuar këshilla të tjera kësaj periudhe të sikletshme, mbani parasysh dhe:

Qëndroni larg ambienteve të ndotura me tym duhani apo pluhura të ndryshme.

Bëni kujdes me zërin. Mos flisni me zë të lartë dhe shumë për të mos irrituar më shumë fytin (në raste të domosdoshme rekomandohet Chloraseptic si qetësues).