Një studim i Faisal Mohammad Amin, i realizuar në bashkëpunim me shkencëtarët danezë kanë zbuluar se nga shkaktohet migrena. Studimi u cilësua si një hap i madh për trajtimin e kësaj sëmundjeje. Për një kohë të gjatë është menduar se migrena shkaktohet nga një zgjerim arteriesh në pjesën e jashtme të kokës, ndërsa tani studimi danez sugjeron se mund të jetë një arsye tjetër, e cila shkakton dhembje: fibrat nervore nëpër enët e gjakut bëhen shumë të ndjeshme.
Shkencëtarët në këtë përfundim erdhën pasi studiuan kokën e 19 femrave, të cilat vuanin nga migrena, duke ekzaminuar arteriet e tyre gjatë sulmeve të migrenës. Femrat, të cilat konsiderohen të jenë të shëndetshme dhe vuajnë nga migrena pa aureolë, do të thotë se nuk vuajnë nga shqetësimet pamore.
Hulumtuesit këtë e shpjegojnë se migrena është e kufizuar në një pjesë të kokës duke mundësuar që pjesa e pa prekur e kokës të mund të skanohet për të parë ndryshimet. Ata kanë gjetur se në kundërshtim me besimin popullor enët e gjakut nuk zgjerohen.
Kjo ngre pyetjen se si mund të ndikojnë barnat kundër migrenës. Pacientët me migrenë janë të dhënë pas barërave para se të bëjnë një skanim. Duke u bazuar në atë se enët e gjakut brenda kafkës janë ende pakëz të zgjeruara edhe kur kalojnë sulmet, që do të thotë se barërat nuk e kanë efektin e menduar më parë.
Bashkautori në këtë studim Faisal Mohammad Amin, një student i PhD-së në qendrën daneze të dhembjeve të kokës, në spitalin “Glostrup” u shpreh: “Gjetjet tona janë të një rëndësie të madhe për të kuptuar dhembjet e shkaktuara nga migrena”. Në të njëjtën kohë rezultatet e hulumtimit mund të përdoren për të siguruar pacientët me migrenë, të cilët shqetësohen se mund t’u shpërthejnë arteriet gjatë një sulmi, se kjo nuk mund të ndodhë”.