Kryekëshilltari i Zyrës së Presidencës së Ukrainës, Oleksiy Arestovych njoftoi se përparimi i Rusisë është ndalur në të gjitha frontet, transmeton Anadolu Agency (AA).
“Përparimi i Rusisë është ndalur në të gjitha frontet. Palës ruse nuk i ka mbetur fuqi ta kthejë këtë ecuri”, tha Arestovych lidhur me ditën e 25-të të sulmeve ruse ndaj Ukrainës.
Ai theksoi se palët ndërkohë janë angazhuar në veprime të reja taktike. “Luftimet vazhdojnë por ne po luftojmë më mirë”, tha Arestovych.
Sipas tij, në Rusi kanë filluar presionet kundër personelit ushtarak, madje edhe komandantët kanë filluar të akuzohen për frikë dhe karakter të dobët si pasojë e inspektimit të Shërbimit Federal të Sigurisë së Rusisë.
