Rtv Pendimi

Roja bregdetare turke shpëton 116 emigrantë të parregullt të kthyer nga Greqia

Roja bregdetare turke shpëton 116 emigrantë të parregullt të kthyer nga Greqia

Roja Bregdetare Turke në rajonet Çeşme, Dikili dhe Urla të qytetit Izmir shpëtoi 116 emigrantë të parregullt të kthyer prapa në ujërat e Turqisë nga elementët grekë, transmeton Anadolu Agency (AA).

Në një deklaratë nga Komanda e Sigurisë Bregdetare thuhet se anija e sigurisë bregdetare u dërgua në zonë pas informacionit se një grup emigrantësh të parregullt ndodheshin brenda një varke shpëtimi në brigjet e rajonit Dikili.

Ekipet shpëtuan 66 emigrantë të parregullt brenda një varke shpëtimi të cilët ishin kthyer prapa në ujërat turke nga elementët e Greqisë.

Po ashtu ekipet në brigjet e rajonit Çeşme shpëtuan 50 emigrantë tjerë të parregullt brenda një gomoneje të cilët ishin kthyer prapa në ujërat turke nga elementët grekë. Më pas u përcaktuan edhe 15 emigrantë të parregullt të cilët kishin dalë në breg vetë pas kthimit prapa.

Ekipet e Rojës bregdetare kapën gjithashtu në një gomone 65 emigrantë që u përcaktuan në brigjet e rajonit Dikili.

Pas një njoftimi për praninë e një grupi të emigrantëve të parregullt në rajonin Urla, anija e Rojës bregdetare kapi 114 emigrantë të parregullt.

Pas procedurave, emigrantët e parregullt iu dorëzuan Drejtorisë së qytetit për administrimin e migracionit.

TË NGJAJSHME

IOS
ANDROID
DONACION
DËRGO MESAZH