Kryeimami, Vedat ef. Sahiti, takoi mualimet e angazhuara në kuadër të këshillave të BIK

Kryeimami, Vedat ef. Sahiti, takoi mualimet e angazhuara në kuadër të këshillave të BIK

Kryeimami i Bashkësisë Islame të Kosovës, Vedat ef. Sahiti, takoi mualimet e angazhuara në kuadër të këshillave të Bashkësisë Islame të Kosovës.

Në këtë takim mori pjesë edhe Këshilltari për çështje fetare në ambasadën e Turqisë z. Nevzat Akin dhe udhëheqësja e Departamentit të Gruas, znj. Vaxhide Bunjaku.

Kryeimami Sahiti, pasi përshëndeti të pranishmit, falënderoi Këshilltarin z.Akin për përkrahjen e këtij projekti e sidomos mualimet për kontributin që po japin në fushën e mësim besimit me grupmoshat e reja si dhe në ngritjen e vetëdijesimit të grave përmes ligjëratave e takimeve të ndryshme.

Mësim besimi duhet të jetë prioriteti ynë parësor theksoi mes tjerash Sahiti dhe njëkohësisht potencoi nevojën e angazhimit edhe më të madh të gruas në këtë fushë.

Një fjalë rasti mbajti edhe Këshilltari z. Nevzat Akin, i cili shprehi përkrahjen e tij për punën,angazhimin dhe kontributin e veçantë të mualimeve tona sidomos në fushën e mësimbesimit me grupmoshat e reja.

Ky projekt realizohet falë mbështetjes së zyrës për çështje fetare të Ambasadës së Republikës së Turqisë në Prishtinë.