Rtv Pendimi

Ka ndërruar jetë mulla Nazmi ef. Sylejmani

“Të Zotit jemi dhe tek Ai do të kthehemi”
Njoftojmë kolegët, miqtë dhe opinionin e gjerë, se sot, më 25 korrik 2022, ka ndërruar jetë mulla Nazmi ef. Sylejmani.
Varrimi i rahmetliut do të bëhet sot, më 25 korrik 2022, në kohën e namazit të ikindisë, në varrezat e fshatit Topanicë të komunës së Kamenicës.
Allahu e mëshiroftë dhe e shpërbleftë me Xhenet!
Biografi e shkurtër
Nazmi ef. Sylejmani lindi më 25.08.1936 në Topanicë. Mësimet e para fetare i mori nga ish – imami i xhamisë së Topanicës, mulla Selimi për dy vite. Mësimet e fesë islame i vazhdoi te mulla Hysen Hyseni në Tërnoc prej vitit 1957 deri në vitin 1961. Më pas e kreu me korrespondencë Medresenë e Mesme “Alauddin” në Prishtinë. Prej vitit 1984 deri në vitin 1987, ai punoi imam në xhaminë e Kamenicës. Në janarin e vitit 1987, filloi detyrën e imamit të xhamisë në vendlindjen e vet në Topanicë, ku edhe pas daljes në pension ka punuar në detyrën e imamit deri në fund të vitit 2009. Ai ishte njëri ndër imamët shumë aktiv. Tek ai i përfunduan mësimet në mejtepin e xhamisë dhjetëra gjenerata të fëmijëve të fshatit. Mulla Nazmiu ishte edhe anëtar i shoqatës “Ilmije”, referent fetaro-arsimor në Këshillin e BI-së së Kamenicës, si dhe për disa vite ishte anëtar i këtij Këshilli.

TË NGJAJSHME

IOS
ANDROID
DONACION
DËRGO MESAZH