Përfunduan Garat Ballkanike të memorizimit të Kuranit fisnik në Kosovë

Kanë përfunduar sot Garat Ballkanike të memorizimit të Kuranit fisnik në Kosovë, ku për dy ditë me radhë, mbi tetëdhjetë garues nga e gjithë Kosova testuan njohuritë e tyre në memorizimin e Kuranit fisnik.

Në ceremoninë përmbyllëse mori pjesë edhe kryetari i Bashkësisë Islame të Kosovës, Myftiu Naim ef. Tërnava, ambasadori i Arabisë Saudite në Tiranë, Fejsal Hivzi, atasheu për Çështje Fetare nga Arabia Saudite në Sarajevë, Abdulatif Husejn, garuesit pjesëmarrës, si dhe mysafirë të tjerë.

Myftiu Tërnava, në fjalën e tij drejtuar të pranishmëve, tha se memorizimi i Kuranit është një prej traditave fisnike të popullit tonë, ku me përkushtim dhe dashuri vazhdon edhe në ditët e sotme.

Ambasadori i Arabisë Saudite, z. Fejsal Hifzi, tha se organizimi i përbashkët me Bashkësinë Islame të Kosovës dëshmon më së miri përkushtimin ndaj Kuranit fisnik.

Këto gara u organizuan nga Bashkësia Islame e Kosovës në bashkëpunim me Ambasadën e Arabisë Saudite në Sarajevë, përkatësisht Ministrinë për Çështje Fetare të Arabisë Saudite.

Kjo garë u zbukurua nga garues të shumtë, që me anë të zërit të tyre i shtuan burinë edhe më shumë kësaj gare, por e veçanta e kësaj gare ishin fëmijët të moshës, 5, 6,7 dhe 8 vjeçe, të cilët iu bashkuan kësaj gare.