Rtv Pendimi

Kosova miraton masa të reja kundër COVID-19

Kosova miraton masa të reja kundër COVID-19

Pasi numri i të infektuarve me koronavirus (COVID-19) u rrit në mënyrë drastike, Qeveria e Kosovës sot miratoi masa të reja më të rrepta për të parandaluar përhapjen virusit, transmeton Anadolu Agency (AA).

Qytetarët e Kosovës mund të hyjnë në kafene, klube nate, salla dasmash dhe ngjarje të tjera në ambiente të mbyllura me një kapacitet mbi 100 persona vetëm me dëshmi se janë vaksinuar ose kanë një test negativ PCR jo më të vjetër se 72 orë.

Gjithashtu do të merren parasysh dëshmitë se një person ka kaluar virusin në 180 ditët e fundit së bashku me dokumentin dëshmues. Këto rregulla zbatohen gjithashtu për të gjithë punonjësit në objektet gastronomike. Masat e reja do të jenë të vlefshme nga 20 gushti deri më 10 shtator.

Klubet e natës lejohen të punojnë nga ora 23:00 deri në orën 3:00 të mëngjesit.

Dasmat, festat familjare dhe netët e maturës mund të zgjasin deri në orën 1:00 pas mesnatës.

Organizimi i ahengjeve të tilla është lejuar me kusht që të përdoret 50 për qind e kapacitetit hapësinor, por jo më shumë se 300 mysafirë në rastet kur 50 për qind e kapacitetit hapësinor e tejkalon këtë numër. Po ashtu, distanca midis tavolinave duhet të jetë tri metra, thuhet në vendim.

Vendimi i qeverisë ndalon hyrjen e personave pa maska ​​në institucionet publike, dhe qytetarët janë të detyruar të mbajnë maska ​​gjatë gjithë kohës në zonat e përbashkëta, përveç gjatë vozitjes, ecjes, vrapimit, çiklizmit, ushtrimit dhe konsumimit të ushqimit dhe pijeve.

Ministri i Shëndetësisë, Arben Vitia, tha se varianti “Delta” i koronavirusit përbën 80 për qind të rasteve të reja të infeksioneve. Ai nuk përjashtoi masa edhe më rigoroze nëse situata epidemiologjike nuk përmirësohet.

TË NGJAJSHME

IOS
ANDROID
DONACION
DËRGO MESAZH