Një mbrëmje kushtuar Mekkës dhe Medinës – Promovimi i dy veprave të Dr. Enall Jakupit

🕋🕌 **Mekka dhe Medina – dy qytetet më të shenjta të Islamit, dy qendra të besimit, historisë dhe qytetërimit njerëzor.**

Qendra Islame Shqiptare **“LËVIZJA”** në Schwäbisch Gmünd, në bashkëpunim me **Unionin e Qendrave Islame Shqiptare – Dega Baden-Württemberg**, ka nderin dhe kënaqësinë t’ju ftojë në promovimin e dy veprave të veçanta, fryt i një pune tetëvjeçare kërkimore e shkencore të Imamit të Qendrës Islame Shqiptare **“LËVIZJA”**, autorit dhe përkthyesit, **Dr. Enall Jakupi**:

📚 **“Historiku i Mekkës së Nderuar”**
📚 **“Historiku i Medinës së Ndriçuar”**

Këto dy vepra përfaqësojnë një kontribut të çmuar në pasurimin e literaturës islame në gjuhën shqipe, duke sjellë pranë lexuesit historinë, rëndësinë dhe vlerat e dy qyteteve më të dashura për zemrat e besimtarëve.

Libri **“Historiku i Mekkës së Nderuar”** paraqet historinë e qytetit të bekuar të Mekkes, vendit ku u ndërtua Qabeja – shtëpia e parë për adhurimin e Allahut në tokë. Ai trajton zanafillën e këtij qyteti të shenjtë, rëndësinë e Haxhit dhe pozitën e Mekkes si qendra shpirtërore e muslimanëve, drejt së cilës miliona besimtarë kthehen pesë herë në ditë gjatë namazit.

Ndërsa libri **“Historiku i Medinës së Ndriçuar”** sjell historinë e qytetit të Profetit Muhamed ﷺ, qytetit ku u themelua shteti i parë islam dhe prej nga u përhap qytetërimi islam në mbarë botën. Në këtë vepër lexuesi njihet me ngjarjet e Hixhretit, vendet historike dhe rolin qendror të Medinës në historinë e Islamit.

Të pasuruara me fotografi, harta dhe informata të shumta historike, këto libra ofrojnë një udhëtim unik nëpër historinë dhe trashëgiminë e dy qyteteve më të shenjta të Islamit.

Promovimi do të pasurohet me diskutime dhe reflektime nga panelistët e nderuar:

**Panelistë:**

* **Muhamet ef. Havolli** – Kryetar i UIAZD-BW, Karlsruhe
* **Xheladin ef. Leka** – Spreitenbach, Zvicër

**Autor dhe përkthyes:**

* **Dr. Enall ef. Jakupi** – Schwäbisch Gmünd

**Moderator:**

* **Mr. Driton ef. Morina** – Stuttgart

📅 **E shtunë, 20.06.2026**
🕕 **Ora 18:00**
📍 **Qendra Islame Shqiptare “LËVIZJA”**
**Buchstr. 21, 73525 Schwäbisch Gmünd**

✨ *Ejani të udhëtojmë së bashku nëpër historinë e Mekkës dhe Medinës, të pasurojmë dijen dhe të forcojmë lidhjen tonë me vendet më të shenjta të Islamit.*

🤝 **Hyrja është e lirë dhe të gjithë janë të mirëpritur!**

**“Leximi është dritë e zemrës dhe udhërrëfim i shpirtit.”**