Nën organizimin e Drejtorisë së Haxhit në Kryesinë e Bashkësisë Islame të Kosovës, 44 besimtarë nga Kosova kanë kryer me sukses umren. Besimtarë të grupmoshave të ndryshme u nisën më 6 tetor, ndërsa u kthyen këtë të diele, më 16 tetor.
Besimtarët kryen dy herë umren gjatë këtij rrugëtimi si dhe vizituan vende historike shenjta islame, duke falur namaze në Qabe, në xhaminë e Pejgamberit dhe vende të tjera.
Besimtarët nga Kosova i filluan vizitat në Kodrën e Uhudit, te Xhamia Kibletejni dhe te Xhamia Kuba, ndërsa të nesërmen më 10 tetor ata u nisën për në Meke. Të martën e 11 tetorit besimtarët nga Kosova, kryen për herë të parë umren, ndërsa të nesërmen vizituan: Arafatin, Muzdelifen, Minan, si dhe kodrat Thevr dhe Nur.
Të enjten, besimtarët nga Kosova përfunduan edhe umren e dytë me sukses gjatë këtij rrugëtimi 10 ditorë. Përveç organizimit të haxhit, Kryesia e Bashkësisë Islame të Kosovës, organizon rregullisht kryerjen e umres për besimtarët e vendit. Organizime të tilla do të ketë edhe në të ardhmen, për besimtarë që duan t’i vizitojnë këto vende.
![](https://i0.wp.com/bislame.net/wp-content/uploads/2022/10/311525505_652405833282844_7483048300444090841_n.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/311367368_889954769077073_461284980175785085_n.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/309648754_442533171252846_8112312006259436662_n.jpg?resize=850%2C636&ssl=1)
![](https://i0.wp.com/bislame.net/wp-content/uploads/2022/10/311984807_673112947373782_8591461408334391984_n.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/310982457_1543980062706597_4430244920283050859_n.jpg?resize=850%2C638&ssl=1)