Zagreb, në një banesë gjenden tre trupa të pajetë të fëmijëve dhe babai i tyre që tentoi të vriste veten

Zagreb, në një banesë gjenden tre trupa të pajetë të fëmijëve dhe babai i tyre që tentoi të vriste veten

Policia në bazë të një telefonate rreth orës dy pas mesnate në një shtëpi në lagjen Mlinovi të Zagrebit gjeti një burrë 56-vjeçar, i cili dyshohet se u përpoq të bënte vetëvrasje, si dhe trupat e pajetë të tre fëmijëve, binjakëve të moshës shtatë vjeç dhe djalit katër vjeç, transmeton Anadolu Agency (AA).

Sipas mediave kroate, bëhet fjalë për një baba (56) dhe tre fëmijët e tij, binjakë, një djalë dhe një vajzë shtatëvjeçare, dhe një djalë katërvjeçar, ndërsa dyshohet për vrasje dhe tentim për vetëvrasje.

Babai mbijetoi dhe u dërgua në spitalin Motrat e Mëshirës.

“Jutarnji list” e Zagrebit raportoi se policia thotë se rreth orës 2:00 në rrugën Mlinovi, bazuar në informacionin e marrë në lidhje me vetëvrasjen e shpallur, një burrë u gjet në apartament i cili u përpoq të vriste veten, ndërsa më pas u transportua në spital.

“Tre fëmijë u gjetën pa shenja jete në vendin e ngjarjes, ndërsa dyshohet për veprën penale të vrasjes. Hetimi po udhëhiqet nga Zëvendësprokurori Shtetëror i Qarkut”, tha policia e Zagrebit.

Hetimet janë duke u zhvilluar në vendin e ngjarjes, kurse trupat e tre fëmijëve u transportuan në Institutin për Mjekësi Ligjore dhe Kriminologji, ku autopsia do të përcaktojë shkakun e vdekjes.

Mediat kroate raportuan se i dyshuari ishte shtetas austriak me adresë të përhershme kroate, pronar i një kompanie konsulente, i cili në Facebook rreth mesnate ndër të tjera postoi: “Mirupafshim të gjithëve …”. Dyshohet se motivi për krimin e kryer janë marrëdhëniet e këqija midis ish-gruas së tij dhe partneres aktuale.