Samsung lançon Galaxy S25 Edge më 12 Maj

Telefoni i zbuluar për herë të parë në Janar nga kompania është super i hollë dhe cili pritet të nisë një revolucion në dizajn.

Samsung do të prezantojë formalisht Galaxy S25 Edge gjatë një evenimenti virtual Unpacked ditën e Hënë më 12 Maj.

Telefoni i zbuluar për herë të parë në Janar nga kompania është super i hollë dhe cili pritet të nisë një revolucion në dizajn.

Vetë Samsung nuk po mban asgjë të fshehur ndërsa konfirmon se bëhet fjalë për S25 Edge. Përmes një postimi në blog kompania tha se pavarësisht përmasave të holla, S25 Edge do të vijë me një kamër 200-megapiksel.

Kjo sugjron se S25 Edge do të jetë një pajisje premium krahasuar me telefonin super të hollët të spekuluar nga Apple. iPhone 17 Air mund të vijë ma një kamër të pasme dhe disa veçori karakteristike për smartfonët e segmentit të mesëm dhe të ulët.

Por sipas Samsung S25 Edge është një flagship i vërtetë që sjell performancë superiore dhe portabilitet. Po çmimi? Në cilat vende do të shitet? Këto pyetje do të marrin përgjigje vetëm nga Samsung javën e ardhshme.