Me ftesë të myftiut të Egjiptit, prof. dr. Shevki Allam, kryeimami i Bashkësisë Islame të Kosovës, Vedat ef. Sahiti, mori pjesë në Konferencën e shtatë ndërkombëtare me temën “Fetvatë dhe objektivat e zhvillimit të qëndrueshëm”, të organizuar nga Sekretariati i Përgjithshëm Botëror i Autoriteteve të Fetvasë.
Në këtë Konferencë shkencore morën pjesë ulema, myfti dhe ekspertë të fushave nga 91 shtete të ndryshme të botës. Konferenca u mbajt në Kajro dhe zgjati dy ditë, 17-18 tetor, me gjithsej tri seanca shkencore dhe tri punëtori të specializuara lidhur me rolin e liderëve fetarë në mbrojtjen e ambientit dhe zhvillimit të qëndrueshëm. Në seancën përmbyllëse të Konferencës u miratuan konkluzionet e punimeve të saj, si dhe kodi i ri etik i fetvasë lidhur me ndryshimet klimatike.
![](https://i0.wp.com/bislame.net/wp-content/uploads/2022/10/05976697-529f-42e1-8d35-248243acb308.jpg?resize=850%2C506&ssl=1)
![](https://i0.wp.com/bislame.net/wp-content/uploads/2022/10/154df611-ed86-4220-9746-6c7de8f0b331.jpg?resize=850%2C526&ssl=1)
![](https://i0.wp.com/bislame.net/wp-content/uploads/2022/10/eaa3f1d4-a8ce-42e0-81ec-eacef3be99a1-1024x692.jpg?resize=850%2C574&ssl=1)