Më 18 dhjetor 2022, drejtori i Diasporës në Bashkësinë Islame të Kosovës, Ekrem ef. Simnica, mori pjesë në tribunën e organizuar në xhaminë shqiptare “Ardhmëria” në Helsingborg, të Suedisë, ku u prit nga imami, Burim ef. Dalipin, kryetari z. Arian Dushku, anëtarët e Kryesisë dhe nga xhemati i kësaj xhamie.
Drejtori Simnica, në ligjëratën e tij, përshëndeti të pranishmit në emër të Bashkësisë Islame të Kosovës të institucioneve udhëheqëse të saj dhe në emrin e Myftiut Naim ef. Tërnava. Ai në këtë ligjëratë, theks të veçantë i kushtoi vlerës së xhamisë në mërgatë, si dhe punës dhe veprimtarisë së institucionit të Bashkësisë Islame të Kosovës. Drejtori Simnica falënderoi të gjithë mërgimtarët tanë për kontributin e vazhdueshëm dhënë për vendlindjen në përgjithësi, e në veçanti për institucionin e Bashkësisë Islame të Kosovës. Ai shfaqi shpresën dhe bindjen e tij se kjo mërgatë do të vazhdojë kontributin e saj edhe përgjatë viteve të ardhshme, sa herë që të jetë nevoja.
Në shenjë respekti, nderi dhe bashkëpunimi, drejtori Simnica i ndau një mirënjohje kryetarit dhe imamit të xhamisë shqiptare “Ardhmëria” në Helsingborg.
![](https://i0.wp.com/bislame.net/wp-content/uploads/2022/12/320524467_1143211186313555_8162185029866728082_n.jpg?resize=767%2C1024&ssl=1)
![](https://i0.wp.com/bislame.net/wp-content/uploads/2022/12/318654978_1821977634827085_1074499697483797095_n.jpg?resize=701%2C1024&ssl=1)
![](https://i0.wp.com/bislame.net/wp-content/uploads/2022/12/320681022_714453486679307_2041642240797615345_n.jpg?resize=737%2C413&ssl=1)
![](https://i0.wp.com/bislame.net/wp-content/uploads/2022/12/320492125_462476869412800_6431432607582893846_n.jpg?resize=737%2C420&ssl=1)