Pelegrini nga diaspora, Kenan Haliti, ndërron jetë gjatë kryerjes së Umres në Mekë

Mekë – Një ngjarje e rëndë ka ndodhur në qytetin e shenjtë të Mekës, ku pelegrini nga diaspora, Kenan Haliti, ka ndërruar jetë gjatë kryerjes së riteve të Umres. Sipas familjarëve, ai kishte udhëtuar drejt Arabisë Saudite me përkushtim të madh për të kryer adhurimet e tij.

Dëshmitarët bëjnë të ditur se Haliti është ndier keq brenda hapësirave të Qabes, ku më pas është konstatuar vdekja e tij natyrale. Edhe pse ekipet mjekësore reaguan menjëherë, nuk arritën ta rikthejnë në jetë.

Lajmi ka tronditur familjen dhe komunitetin e tij, të cilët e cilësuan ndarjen nga jeta të Kenanit “si një amanet të madh dhe një fund të ndritur në vendin më të shenjtë për myslimanët”.

Sipas burimeve, ceremonia e xhenazes është kryer në Mekë, në mënyrë të rregullt dhe me nderimet e merituara fetare.

Ngushëllimet më të sinqerta u drejtohen familjarëve, të afërmve dhe të gjithë atyre që e kanë njohur.

Allahu e mëshiroftë dhe ia bëftë varrin dritë.