FC1E74B8-3B62-479C-A86B-6854A52125CC

10 të vdekur, përfshirë 5 fëmijë, nga zjarri në një ndërtesë banimi në Francë

Dhjetë persona kanë humbur jetën, përfshirë pesë fëmijë, si pasojë e një zjarri në një ndërtesë banimi në Francën juglindore, transmeton Anadolu Agency (AA).

Prefektura Rhone njoftoi se zjarri shpërtheu herët në mëngjes në rrethinën Vaulx-en-Velin të Lionit në një ndërtesë banimi 7-katëshe.

“Shkaku i zjarrit mbetet i panjohur. Dhjetë persona kanë humbur jetën, mes tyre pesë fëmijë. Katër të plagosur janë në gjendje kritike për jetën dhe dhjetë të tjerë, përfshirë dy zjarrfikës, janë plagosur lehtë”, njoftoi prefektura, duke shtuar se zjarri është shuar.

Ministri francez i Punëve të Brendshme, Gerald Darmanin, në një konferencë për media në Paris shprehu keqardhje për incidentin dhe njoftoi se do të vizitojë vendin e ngjarjes.