E Premte

Emisioni “Freskia e mëngjesit” është fillimi ideal i çdo dite – një frymë pozitive, një buzëqeshje dhe një energji e re që vjen çdo mëngjes tek ju nga RTV Pendimi. Ky emision i përditshëm synon ta bëjë mëngjesin tuaj më të lehtë, më informues dhe më të ngrohtë, duke ju shoqëruar në orët e para të ditës me përmbajtje të larmishme dhe të dobishme për të gjithë familjen.  

“Në Fokus të Ditës” është emisioni ditor që ju sjell informacione të vlefshme, reflektime edukative dhe përmbajtje me vlera të larta fetare e shoqërore.Një hapësirë mediatike ku trajtohen tema aktuale nga jeta e përditshme, trashëgimia islame, ilahite të përzgjedhura, si dhe personalitete të ndryshme që kontribuojnë pozitivisht në shoqëri.Ky emision synon të informojë, të edukojë dhe të afrojë dëgjuesin me vlerat e sinqerta, duke e mbajtur gjithmonë ditën në fokus.

Emisioni "Afër", është emision që i kushtohet vajzave dhe grave, në veçanti atyre muslimane. Jeta dhe veprimtaria e tyre, gërshetuar me parimet e besimit Islam, do të jenë në fokus të temave që trajton emisioni. "Afër" është vendtakimi i motrave tona, kudo që gjenden ato, në Kosovë, Shqipëri, Evropë, Amerikë apo çdokund nëpër botë. Emisioni "Afër" transmetohet në Rtv-Pendimi, çdo të premte nga ora 21:00, nën moderimin e gazetares, Luljeta Beqiri.