E Hënë

Edicioni informativ vjen tek ju çdo ditë në orët 09:00, 12:00 dhe 17:00, duke ju sjellë zhvillimet më të fundit dhe informacionet më të rëndësishme nga Kosova, rajoni dhe bota. Në këtë edicion do të gjeni lajme të përditësuara nga fusha të ndryshme, përfshirë politikën, shoqërinë dhe ekonominë, si dhe rubrika të veçanta për sportin dhe parashikimin e motit. Qëndroni me ne për informim të saktë, të shpejtë dhe të besueshëm.

Emisioni “Freskia e mëngjesit” është fillimi ideal i çdo dite – një frymë pozitive, një buzëqeshje dhe një energji e re që vjen çdo mëngjes tek ju nga RTV Pendimi. Ky emision i përditshëm synon ta bëjë mëngjesin tuaj më të lehtë, më informues dhe më të ngrohtë, duke ju shoqëruar në orët e para të ditës me përmbajtje të larmishme dhe të dobishme për të gjithë familjen.  

Emisioni “Horizonti i Diturisë” është format i ideuar për moshat më të vogëla, e që transmetohet çdo të diel, drejtpërtdrejt në Rtv-Pendimi. Përfshirja e materialeve të dobishme, me qëllim mësimi, edukimi dhe orientimi në rrugën e duhur të besimit Islam, janë pikësynimi kryesor i këtij emisioni. Përshtatur për grupmosha të ndryshme, e që të jemi më afër dëgjuesve të rinj, komunikojmë së bashku me fëmijët, të cilët mund të jenë pjesëmarrës në bashkëbisedim për tema të ndryshme, në një formë testimi për njohuritë që kanë, por edhe përfitimin e njohurive të reja. Çdo të diel, ora 10:00-12:00 Moderatore: Luljeta Beqiri Kontakti: Viber: +383 45 471 848 SMS: Dërgo Mesazh