Xiaomi njoftoi se do të ofrojë një njësi transparente Mi-9 Explorer Edition për Mi 9 të ardhshëm, ngjashëm me versionin transparent të telefonit Mi 8 të lansuar vitin e kaluar.
Megjithatë, këtë vit kompania pranon se “përbërësit” e dukshëm në brendësi të telefonit të ardhshëm nuk janë të vërtetë, por fletë alumini CNC, gdhendur që të duket si një version i stilizuar i pjesëve.
Vitin e kaluar, Xiaomi lansoi një version transparent të telefonit të saj Mi 8, Mi 8 Explorer Edition, i cili thuhej të kishte një pamje transparente të prapme për të zbuluar pjesët e brendshme të telefonit.
Sidoqoftë, “pjesët” ishin të rreme, u zbulua të ishin vetëm një pllakë që mbulonte pjesët reale.
Xiaomi pritet të njoftojë plotësisht Mi 9 në MWC 2019. /Telegrafi/