RTV Pendimi
Kompania Ziel Bau
Samet Tours
Lajme

Vendet arabe ofrojnë 2,5 miliardë dollarë ndihmë për Jordaninë

Në një samit katërpalësh të mbajtur në Mekë nën organizimin e Arabisë Saudite për të kërkuar mënyra për shpëtimin e Jordanisë nga kriza ekonomike, është vendosur vendit t’i ofrohet mbështetje ekonomike prej 2,5 miliardë dollarësh, transmeton Anadolu Agency (AA).

Sipas një lajmi agjencisë zyrtare saudite SPA, në samitin e zhvilluar në rezidencën Es-Safa në Meke morën pjesë mbreti i Arabisë Saudite Selman bin Abdulaziz, emiri i Kuvajtit Esh-Shejh Sabah el-Ahmed el-Xhabir es-Sabah, zv/presidenti i Emirateve të Bashkuara Arabe Esh-Shejh Muhammed bin Rashid Al Maktum dhe Mbreti Abdullahu i Dytë i Jordanisë.

Në samitin ku është vendosur për ofrimin e një ndihme prej 2,5 miliardë dollarë për Jordaninë, theksohet se paketa e ndihmës ekonomike në fjalë përfshin siguritë që do t’i jepen Bankës Qendrore të Jordanisë, garancitë që do t’i paraqiten Bankës Botërore në emër të Jordanisë, si dhe financimin e fondeve të zhvillimit për projektet e zhvillimit me një mbështetje vjetore për 5 vite për buxhetin e Jordanisë.

Mbreti Abdullahu i Dytë i Jordanisë ka falënderuar Arabinë Saudite për iniciativën dhe për praninë e Kuvajtit dhe EBA-së, ndërsa ka shprehur falenderimet për paketën ekonomike e cila do të sigurojë kontribut për daljen e vendit të tij nga kriza në të cilën ndodhet.

Rritja e çmimeve në fillim të vitit dhe politikat ekonomike të qeverisë Mulki çuan Jordaninë në probleme, ndërkohë që edhe rritja e lartë e çmimeve në produktet e nevojave themelore tërhoqi reagimin e qytetarëve, të cilar organizuan protesta masive. Si pasojë e protestave, kryeministri Hani el-Mulki dha dorëheqje. Mbreti Abdullahu i Dytë ditën e nesërme mandatin për formimin e qeverisë ia dorëzoi ministrit të Arsimit Omer er-Rezzaz, për të cilin thuhet se do të ballafaqohet me probleme serioze ekonomike.

Related posts

Zgjedhjet në Turqi, të moshuarit dhe të sëmurët votojnë në shtëpitë e tyre

Kushtrim Guraj

Rama dhe liderë të tjerë botëror urojnë presidentin Erdoğan për suksesin në zgjedhje

Kushtrim Guraj

Zgjedhjet në Turqi, përfundon procesi i votimit

Kushtrim Guraj

Pamje ekskluzive nga faza e punimeve finale të xhamisë “Mati 1” ( Foto )

Hevzi Hasani

Thaçi e Vuçiq takohen sot në Bruksel

Kushtrim Guraj

Erdoğan: Turqia do të ngjitet aty ku janë Amerika dhe Rusia

Kushtrim Guraj

Sa janë reale testet e Arritshmërisë dhe Maturës?

Kushtrim Guraj

Siri, brenda një dite regjimi ka kryer 750 sulme në Dera

Kushtrim Guraj

Haxhi 2018: BeH dhe Maqedonia me çmimin më të lartë, Shqipëria me çmimin më të ulët

Kushtrim Guraj