Si ta bëni “të freskët” bukën bajat

Ju nevojiten pesë minuta, por “bëhet” vetëm një herë.

Nëse ju tepron buka nga darka, apo edhe buka e pardjeshme, ky është truku i thjeshtë me të cilin buka bajat do të bëhet e ngrënshme dhe e shijshme për pesë minuta, transmeton Telegrafi.

Bukën bajat futeni për pak sekonda nën vrushkull uji, ashtu që bukës t’i kthehet lagështia, dhe pastaj futeni në furrë të ngrohur më parë në 180 apo 200 gradë celsius dhe piqeni disa minuta.

Kur ta nxirrni nga furra, korja do të jetë kërcëlluese, ndërkaq buka e shijshme pothuajse sikur ta keni blerë atë çast.

Mirëpo, ekzistojnë dy “arsye”: ky truk bëhet VETËM nëse është fjala për bukën e paprerë (të plotë) dhe VETËM një herë në bukën e njëjtë.

Mirëpo, nëse dëshironi që buka të qëndrojë më gjatë e freskët, ruajeni mirë të mbyllur në qese letre ngjyrë të gështenjtë, në temperaturë dhome. /Telegrafi/