RTV Pendimi
Tribuna per Jetimat
Kompania Ziel Bau
Auto Lider
Shëndetësi

Si po e dëmton trupin tensioni i lartë i gjakut

Dëmtim të arterieve

Arteriet duhet të jenë të forta, elastike dhe fleksible për të qarkulluar lehtësisht gjakun nga mushkëritë dhe zemra, nga ku marrin oksigjenin, në organe dhe inde të tjera. Tensioni i lartë i gjakut ushtron shumë presion në muret arteriale. Kjo shkakton dëmtim të tyre përbrenda dhe formim të pllakës bakteriale. Pllaka bakteriale ngushton arteriet, duke vështirësuar punën e tyre.

Aneurizëm

Tensioni i lartë i gjakut ushtron presion në një pjesë të arteries dhe e dobëson atë. Nëse arteria çahet, mund të shkaktojë hemorragji në trup, gjë që mund të jetë shumë serioze. Aneurizmi shfaqet zakonisht tek aorta, që përshkon gati gjysmën e trupit. Nëse keni dëmtim të arterieve, mund të zhvilloni aneurizëm edhe nëse nuk vuani nga tensioni i lartë i gjakut.

Atak në zemër

Nëse pllaka bakteriale bllokon arterien pranë zemrës, mund të shkaktohet ataku në zemër. Kjo pllakë bakteriale pengon muskulin e zemrës që të marrë mjaftueshëm oksigjen dhe lëndë ushqyese.

Mund të ndieni presion ose dhimbje në gjoks, krahë, qafë ose edhe nofulla. Mund të keni gjithashtu probleme me frymëmarrjen, marrje mendsh dhe të vjella.

Telefononi urgjencën nëse keni një nga këto shenja paralajmëruese.

Goditje në tru

Tensioni i lartë i gjakut është shkaktari kryesor i goditjes në tru. Ka dy lloje goditjesh në tru: hemorragjike dhe iskemike. Një pjesë e trurit fillon të mos funksionojë kur nuk rrjedh mjaftueshëm gjak në tru, duke ndikuar në mënyrën si mendoni, lëvizni, flisni ose shikoni.

Demencë

Tensioni i lartë i gjakut mund të shkaktojë formim të pllakës bakteriale në arteriet që furnizojnë trurin. Bllokimi i këtyre arterieve shkakton ngadalësim të rrjedhjes së gjakut në pjesën tjetër të trupit.

Kjo mund të ndikojë në mënyrën si ju mendoni, flisni, shikoni, madje edhe kur lëvizni.

Probleme me veshkat

Tensioni i lartë i gjakut është shkaktari i dytë më kryesor i problemeve me veshkat. Ai ngushton dhe sforcon enët e gjakut tek veshkat dhe pengon filtrat e quajtur nefrozë që të marrin mjaftueshëm gjak dhe lëndë ushqyese. Pasojat janë deri në dështim të funksionimit të veshkave.

Probleme me sytë

Me kalimin e kohës, tensioni i lartë i gjakut mund të ngadalësojë rrjedhjen e gjakut në retinë dhe nervin optik, që ndihmon për të dërguar sinjale në tru. Si pasojë, mund të shkaktojë turbullim të shikimit, madje në disa raste ka shkaktuar edhe verbim.

Probleme seksuale për burrat

Tensioni i lartë i gjakut mund të ngadalësojë rrjedhjen e gjakut në trup. Pa mjaftueshëm rrjedhje të gjaku në penis, mund të keni probleme me ereksionin. Prandaj është mirë që të bëni një vizitë tek mjeku për të kontrolluar tensionin e gjakut dhe përjashtuar gjendjet e tjera shëndetësore që lidhen me të.

Humbje kockore

Njerëzit me tension të lartë të gjakut zakonisht kanë më shumë kalcium në urinë. Tensioni i lartë i gjakut bën që trupi të nxjerrë jashtë këtë mineral, i cili është i rëndësishëm për forcimin e kockave. Prandaj personat që vuajnë për një kohë të gjatë nga tensioni i lartë i gjakut zhvillojnë fraktura të kockave, sidomos të moshuarat.

Postimet e ngjajshme

Vlerat ushqyese të qumështit

Kushtrim Guraj

Çfarë po ndodhë me shëndetin tonë!

Kushtrim Guraj

TIKA mbështetje për sektorin e shëndetësisë në Maqedoni

Kushtrim Guraj

Pikat për hundë nuk janë për fëmijë

Kushtrim Guraj

Zbulohet rreziku i ri i për kancerin e gojës

Kushtrim Guraj

Kolla, ja arsyet përse ju bezdis

Kushtrim Guraj

Lëngu i thanave mund të parandalojë infeksionet e sistemit urinar te fëmijët

Kushtrim Guraj

Sa shpesh mundë të aplikohet Hixhamja!?

Kushtrim Guraj

Përse duhet të hamë mjaltë me arra, ilaçin 100% natyror

Kushtrim Guraj