RTV Pendimi
Goodlife
Auto Lider
Royal
Reklama e Fatmirit
Samet taurs
Shqipëri, 50 persona të arrestuar për dhunën në protestën e opozitës
Lajme

Shqipëri, 50 persona të arrestuar për dhunën në protestën e opozitës

Muslim Shop

Policia e Shqipërisë ka proceduar penalisht dhjetëra persona në lidhje me aktet e dhunës në protestën e partive opozitare të mbajtur më 11 maj në Tiranë, transmeton Anadolu Agency (AA).

Në njoftimin zyrtar nga Drejtoria e Përgjithshme e Policisë së Shqipërisë thuhet se 84 persona janë proceduar për aktet e dhunës ndaj punonjësve të policisë dhe institucioneve shtetërore në protestën e djeshme të opozitës, ndërsa mes tyre 50 janë arrestuar.

“Protestuesit si pasojë e përdorimit të bombave molotov, fishekzjarrëve, kapsollave e sendeve të tjera kanë shkaktuar dëme të konsiderueshme tek dyert dhe ambientet e Kryeministrisë, të selisë së Kuvendit, tek selia e seancave parlamentare, tek dyert e Ministrisë së Brendshme dhe kane thyer e shkatërruar ambientet e disa subjekteve private e publike”, theksohet në njoftim.

Të arrestuarit akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Prishja e qetësisë publike”, “Shkatërrimi i pronës me zjarr” dhe “Shkelja e rregullave mbi lëndët plasëse, djegëse dhe radioaktive”.

Në lidhje me aktet e dhunës gjatë protestës ka reaguar edhe ministri i Brendshëm i Shqipërisë, Sandër Lleshaj, i cili në një deklaratë për mediat tha se “Tirana përjetoi mbrëmë një mori sulmesh të koordinuara kundër institucioneve kushtetuese dhe policisë”.

“Shpreh besimin e plotë se organet kompetente ligjore do të marrin masat e duhura për të vënë përpara përgjegjësisë të gjitha ata që planëzuan, organizuan dhe drejtuan sulmet kundër institucioneve dhe policisë”, deklaroi ministri Lleshaj.

Sipas policisë, nga aktet e dhunës kanë mbetur të plagosur 16 policë, ndërsa janë plagosur edhe disa protestues.

Protesta e organizuar nga partitë opozitare të Shqipërisë, Partia Demokratike (PD) dhe Partia Lëvizja Socialiste për Integrim (LSI), e mbajtur më 11 maj në Tiranë u përfshi nga tensionet dhe përplasjet mes policisë dhe protestuesve.

Partitë opozitare që pas dorëzimit të mandatave parlamentare në muajin shkurt kanë organizuar disa protesta, ndërsa insistojnë në organizimin e zgjedhjeve të parakohshme.

Postimet e ngjajshme

Kur’ani 800-vjeçar tërheq vizitorët në veri të Turqisë

Kushtrim Guraj

YTB shtron iftar në Prizren

Kushtrim Guraj

Kryeparlamentari turk, Şentop, merr pjesë në iftarin e IBU-t në Shkup

Kushtrim Guraj

Gjermani, zjarri në një xhami shkakton dëme të mëdha materiale

Armend Emurllahu

Afganistan – 3 të vdekur në sulmin me bombë në xhami

Kushtrim Guraj

Shërbimi ushtarak i paguar do të bëhet i përhershëm në Turqi

Kushtrim Guraj

Haradinaj i drejton thirrje Vuçiçit për reflektim

Kushtrim Guraj

Rast i artë që shpesh herë po na ik!

Kushtrim Guraj

Kosovës i shtohet një Doktor Shkence në fushën e Tefsirit

Kushtrim Guraj