RTV Pendimi
Goodlife
Flyer Fahrschule struga
Akademi Kuranit
Auto Lider
Kompania Ziel Bau
Lajme

Shkrirja e akullnajave në Antarktik në nivel alarmant

Shkrirja e akullnajave në Antarktik në hemisferën jugore ka përshpejtuar në nivel alarmant, ndërsa tre trilionë tonë akuj janë zhdukur në periudhën mes viteve 1992-2017, tregoi një studim, transmeton Anadolu Agency (AA).

Studimi rezultatet e të cilit janë publikuar në revistën “Nature” ka treguar se afër 84 miliardë tonë akullnaja janë zhdukur brenda një viti në periudhën mes viteve 1992-2011 dhe 241 miliardë tonë në vit mes viteve 2012-2017, për të arritur sasinë prej tre trilionë tonë akullnajash të zhdukura në 25 vite.

Në studimin e kryer nga 88 shkencëtarë që punojnë me Agjencinë Amerikane të Aeronautikës dhe Administrimit Hapësinor (NASA) dhe Agjencinë Hapësinore Evropiane (ESA), shtresa e akujve të kontinentit e shkrirë brenda një çerek shekulli është llogaritur me sasi sa për ta mbuluar një hapësirë sa Teksasi me ujë në thellësi katër metra.

Shkencëtarët kanë theksuar se shkrirja e akullnajave ka shkaktuar rritje prej 7,6 milimetrash të nivelit të oqeaneve.

“Mendoj se duhet të shqetësohemi. Kjo nuk do të thotë se ne jemi të pashpresë, por çështja avancon më shpejt sesa që e presim”, ka thënë Isabella Velicogna nga Universiteti i Irvines në Kaliforni, pjesë në ekipin studiues.

Ndërkaq, Ian Joughin nga Universiteti i Washingtonit tha se Antarktiku Perëndimor, ku ka ndodhur sasia më e madhe e shkrirjeve, është “në gjendje të shkatërruar”.

Për dallim nga hulumtimet me matje të vetme, në këtë studim janë përdorur 24 metoda të ndryshme duke përdorur satelitë, matje tokësore dhe ajrore dhe simulime kompjuterike.

Andrew Shepherd nga Universiteti i Leedsit ka potencuar se vetëm Antarktiku do të mund të rrisë për 16 centimetra nivelin e detit deri në fund të shekullit.

Postimet e ngjajshme

Bie numri i aksidenteve fatale në autostradë

Kushtrim Guraj

Presidenti Erdoğan takim me homologun rus, Vladimir Putin

Kushtrim Guraj

Reagim nga redaksia e RTV Pendimit

Hevzi Hasani

Austri, politikanët në vitin 2018 morën pjesë në 20 fushata kundër muslimanëve

Hevzi Hasani

SBASHK refuzoi ofertën e Qeverisë së Kosovës, greva vazhdon

Kushtrim Guraj

Meta: Mali i Zi për dy dekada faktor stabiliteti në rajon

Kushtrim Guraj

“Jetimat e Ballkanit” nuk ndalen, ndërtojnë 5 shtëpi në Komunën e Hanit të Elezit

Kushtrim Guraj

Filipine, muslimanët Moro votojnë në referendumin historik

Kushtrim Guraj

Në Japoni ndërroi jetë burri më i vjetër në botë

Kushtrim Guraj
%d bloggers like this: