RTV Pendimi
Rusia nis stërvitjen e madhe ushtarake Vostok-2018
Lajme

Rusia nis stërvitjen e madhe ushtarake Vostok-2018

Rusia ka nisur stërvitjen më të madhe ushtarake në periudhën post-sovjetike “Vostok-2018”, njoftoi ministria e mbrojtjes e vendit, raporton Anadolu Agency (AA).

Stërvitja do të zhvillohet në Lindjen e Largët Ruse dhe në Oqeanin Paqësor nga 11 deri më 17 shtator, tha ministria në një deklaratë në faqen e saj zyrtare.

Sipas deklaratës, 300.000 ushtarakë nga rrethet ushtarake Lindore dhe Qendrore, Forcat Detare Veriore dhe Forcat Ajrore do të marrin pjesë në stërvitje.

Disa njësi të ushtrisë kineze dhe mongole pritet të jenë pjesë e manovrave në disa faza.

Më shumë se 1.000 aeroplanë, helikopterë dhe mjete ajrore pa pilot, rreth 36.000 tanke dhe mjete të tjera të blinduara janë duke marrë pjesë në stërvitje, së bashku me 80 anije.

Ministri i Mbrojtjes Sergey Shoygu do të kontrollojë rrjedhën e stërvitjes personalisht.

Sipas ministrisë, qëllimi kryesor i stërvitjes është të ekzaminojë aftësinë e komandantëve ushtarakë në planifikimin, riorganizimin e forcave dhe organizimin e ndërveprimeve ndërmjet armëve të ndryshme të shërbimit.

“Vostok-2018” është stërvitja më e madhe ushtarake në 37 vitet e fundit. Pjesëmarrja mund të krahasohet vetëm me stërvitjen sovjetike “Zapad-1981”, e cila u zhvillua në kufijtë perëndimorë sovjetikë dhe u shtri në rajonin e Baltikut.

Postimet e ngjajshme

UIAZD themelon Degën për Baden Württemberg (UIAZD-BW)

Kushtrim Guraj

Rritet në 50 numri i viktimave të sulmit terrorist në Zelandë të Re

Qëndrim Ibrahimi

Indonezi, 70 të vdekur nga përmbytjet

Kushtrim Guraj

Partitë opozitare protestë në Tiranë, përplasje mes policisë dhe protestuesve

Kushtrim Guraj

Erdoğan: Asnjëherë nuk do të bëjmë lëshime për pavarësinë, ardhmërinë dhe lirinë tonë

Kushtrim Guraj

Në BE jetojmë mbi 22 milionë shtetas të huaj

Kushtrim Guraj

Rusia do t’u kundërpërgjigjet sanksioneve

Kushtrim Guraj

Prizren, mbahet konferenca “Turqishtja dhe situata ligjore e turqve të Ballkanit”

Kushtrim Guraj

Pas sulmit, Turqia do të dërgoj një delegacion në Zelandë të Re

Kushtrim Guraj