RTV Pendimi
Samet taurs
Reklama e Fatmirit
Royal
Auto Lider
Goodlife
Ratifikohet marrëveshja Shqipëri-Kosovë për pikat e përbashkëta kufitare
Lajme

Ratifikohet marrëveshja Shqipëri-Kosovë për pikat e përbashkëta kufitare

Muslim Shop

Kuvendi i Shqipërisë ka ratifikuar marrëveshjen mes Shqipërisë dhe Kosovës për ngritjen e pikave të përbashkëta të kalimit kufitar dhe kryerjen e veprimtarive të përbashkëta të kontrollit kufitar, raporton Anadolu Agency (AA).

Projektligji “Për ratifikimin e marrëveshjes, ndërmjet Këshillit të Ministrave të Shqipërisë dhe Qeverisë së Kosovës, për ngritjen e pikave të përbashkëta të kalimit kufitar dhe kryerjen e veprimtarive të përbashkëta të kontrollit kufitar”, është miratuar në seancën e sotme parlamentare me 89 vota pro.

Ministri i Brendshëm i Shqipërisë, Sandër Lleshaj, gjatë fjalës në seancë tha se aplikimi i marrëveshjes do të sjellë një sërë lehtësish në rritjen të mobilitetit, në lehtësinë e lëvizjes e të shkëmbimeve midis Shqipërisë e Kosovës, sipas tij, jo vetëm në aspektin e lëvizjes së qytetarëve, por dhe në aspektin e lëvizjes së mallrave.

“Marrëveshja në thelbin e saj parashikon që, nga dy kontrolle që zhvilloheshin në kufirin midis Shqipërisë dhe Kosovës, tashmë të zhvillohet një. Qeveria shqiptare parashikon që nën frymën e kësaj marrëveshjeje me Kosovën, të ecim nën të njëjtën frymë edhe sa i përket bashkëpunimit dhe lehtësimit të procedurave të menaxhimit të lëvizjeve në kufi edhe me Republikën e Maqedonisë së Veriut, po ashtu edhe me Republikën e Malit të Zi, duke vendosur kështu standarde të reja, të një fryme evropiane dhe duke i prirë një procesi integrues në rajon”, ka theksuar ministri Lleshaj.

Sipas Kuvendit të Shqipërisë, kjo marrëveshje është iniciuar në kuadër të angazhimeve të përbashkëta të të dyja qeverive, me qëllim thjeshtëzimin dhe lehtësimin e procedurave dhe të masave të lidhura me kontrollet kufitare.

Në bazë të marrëveshjes që është nënshkruar në dhjetor të vitit 2018, shtetasit, automjetet dhe mallrat, të cilët hyjnë ose dalin nga territori i palëve, u nënshtrohen kontrolleve të përbashkëta nga autoritetet përkatëse përgjegjëse, vetëm një herë, bazuar në parimin “Një ndalesë, një kontroll”.

Marrëveshja parashikon që pikat aktuale jo të përbashkëta të kalimit kufitar të ndryshojnë statusin në pika të përbashkëta të kalimit kufitar, ndërsa pikat e kalimit kufitar që mund të hapen në të ardhmen do të rregullohen sipas marrëveshjes.

Kujtojmë se në mbledhjet e përbashkëta mes Qeverisë së Shqipërisë dhe Qeverisë së Kosovës në vitet e fundit janë nënshkruar disa marrëveshje dhe protokolle bashkëpunimi.

Postimet e ngjajshme

Gjermani, zjarri në një xhami shkakton dëme të mëdha materiale

Armend Emurllahu

Afganistan – 3 të vdekur në sulmin me bombë në xhami

Kushtrim Guraj

Shërbimi ushtarak i paguar do të bëhet i përhershëm në Turqi

Kushtrim Guraj

Haradinaj i drejton thirrje Vuçiçit për reflektim

Kushtrim Guraj

Rast i artë që shpesh herë po na ik!

Kushtrim Guraj

Kosovës i shtohet një Doktor Shkence në fushën e Tefsirit

Kushtrim Guraj

Shoqata nga Turqia shtron iftare në Mesxhid al-Aksa

Kushtrim Guraj

Kosovari i verbër, lexues entuziast i Kur’anit

Kushtrim Guraj

Lufta civile në Jemen i detyroi të zhvendosen nga vendi

Kushtrim Guraj