RTV Pendimi
Auto Lider
Royal
Goodlife
Reklama e Fatmirit
Samet taurs
Program për bashkëpunim kulturor mes Maqedonisë së Veriut dhe Malit të Zi
Lajme

Program për bashkëpunim kulturor mes Maqedonisë së Veriut dhe Malit të Zi

Muslim Shop

Republika e Maqedonisë së Veriut dhe Republika e Malit të Zi sot kanë nënshkruar Programin e ri për bashkëpunim kulturor për periudhën 2019-2022, raporton Anadolu Agency (AA).

Nënshkrimi i programit u bë pas takimit të mbajtur në hapësirat e Filarmonisë së Maqedonisë së Veriut në Shkup mes ministrit të Kulturës së Maqedonisë së Veriut, Asaf Ademi, dhe homogolut të tij malazez, Aleksandar Bogdanoviq.

Pas nënshkrimit të programit, dy ministrat mbajtën një konferencë të përbashkët për media, ku u tha se dokumenti bilateral ndërlidhet me marrëveshjen e nënshkruar mes dhe të ratifikuar mes dy qeverive dhe se programi paraprak për bashkëpunim kulturor kishte vlefshmëri deri në vitin 2019.

Ministri i Kulturës i Maqedonisë së Veriut, Asaf Ademi, tha se nënshkrimi i këtij programi është “reflektim i angazhimeve tona të fuqishme për kultivimin dhe thellimin e marrëdhënieve kulturore ndërmjet të dyja vendeve”.

“Me kënaqësi do të theksoj se në vitet e kaluara u realizuan një numër i madh projektesh dhe iniciativash, pjesëmarrje në festivalet në të dyja vendet në të cilat aktorëve, regjisorëve dhe produksioneve të veprimtarisë së teatrit, u ndanë mirënjohje të shumta”, tha ministri Ademi, duke u shprehur i bindur se me programin e ri ky bashkëpunim do të thellohet edhe më shumë.

Ministri i Kulturës i Malit të Zi, Aleksandar Bogdanoviq, tha se ka potencial të madh për bashkëpunim mes institucioneve kulturore të dy vendeve, siç janë muzetë, teatrot dhe bibliotekat.

“Kjo ishte një mundësi që të veçojmë edhe bashkëpunimin në fushën e trashëgimisë kulturore. Duke vlerësuar bashkëpunimin shumë të mirë në këtë sferë, jemi dakorduar që në periudhën e ardhshme edhe më shumë të afirmojmë ato lokacione arkeologjike që në periudhën e kaluar nuk kanë qenë mjaftueshëm të mbrojtura”, tha ministri Bogdanoviq.

Ministrat Ademi dhe Bogdanoviq sot në mbrëmje gjithashtu do të marrin pjesë në hapjen e ekspozitës me veshje solemne nga fondi i Muzeut popullor të Malit të Zi “Moda evropiane në reflektimet malazeze”, që do të mbahet në Muzeun e Luftës së Maqedonisë për Pavarësi.

Postimet e ngjajshme

Kur’ani 800-vjeçar tërheq vizitorët në veri të Turqisë

Kushtrim Guraj

YTB shtron iftar në Prizren

Kushtrim Guraj

Kryeparlamentari turk, Şentop, merr pjesë në iftarin e IBU-t në Shkup

Kushtrim Guraj

Gjermani, zjarri në një xhami shkakton dëme të mëdha materiale

Armend Emurllahu

Afganistan – 3 të vdekur në sulmin me bombë në xhami

Kushtrim Guraj

Shërbimi ushtarak i paguar do të bëhet i përhershëm në Turqi

Kushtrim Guraj

Haradinaj i drejton thirrje Vuçiçit për reflektim

Kushtrim Guraj

Rast i artë që shpesh herë po na ik!

Kushtrim Guraj

Kosovës i shtohet një Doktor Shkence në fushën e Tefsirit

Kushtrim Guraj