Mbi 16,000 njerëz po kërkojnë që mësuesja të pushohet nga puna – shkaku i një komenti në detyrat e shtëpisë së nxënësit të saj 

Mbi 16,000 njerëz po kërkojnë që mësuesja të pushohet nga puna – shkaku i një komenti në detyrat e shtëpisë së nxënësit të saj 

 

Një baba ka bërë thirrje që një mësuese të pushohet nga puna pasi sipas tij ajo ka shkruar diçka “absolutisht patetike” në detyrat e shtëpisë së djalit të tij.

Sipas mediave të huaja, përcjell Telegrafi, Chris Piland nga Pensilvania, SHBA, ishte i tmerruar kur pa komentin e shkruar me bojë të kuqe në testin e djalit të tij Kamdyn.

Nga nxënësit e klasës së dytë, për fëmijët e moshës ndërmjet shtatë dhe tetë vjeç, ishte kërkuar për të zgjidhur sa më shumë probleme të zbritjes për tre minuta.

Kur po kontrollonte detyrat, mësuesja e cila është emëruar lokalisht si Alyssa Rupp Bohenek, shkroi:

“Absolutisht patetik. Ai u përgjigj në 13 pyetje për 3 minuta! Keq”.

Piland pastaj ndau një fotografi të detyrave të shtëpisë në mediat sociale, duke thënë se mësuesja gjithashtu ka qenë e vrazhdë gjatë gjithë vitit me djalin e tij.

Kështu, një koment i tillë mbi testin e matematikës së fëmijës është cilësuar si “ngacmim” dhe ka nxitur thirrjet që ajo të pushohet nga puna.

Madje, i botuar në internet, peticioni thuhet të ketë mbledhur gati 16,600 nënshkrime që nga e hëna në mëngjes. /Telegrafi/