Makarona me mish toni për drekë apo darkë të shpejtë

Makarona me mish toni për drekë apo darkë të shpejtë

Ushqim i shijshëm plot thartirë omega-3!

Zgjidhni llojin e parapëlqyer të makaronave, merrni presh, domate të ziera, një konserve mish toni dhe racioni i mrekullueshëm është gati! – transmeton Telegrafi.

Receta u dedikohet fillestarëve të përgatitjes së ushqimit. Natyrisht, edhe për të gjithë të tjerët.

Zgjidhje e shkëlqyeshme dhe shumë e shpejtë për drekë apo darkë.

Përbërësit:

– 300 g makarona,
– ½ preshi,
– vaj ulliri,
– 100 ml domate të ziera;
– erëza,
– kripë,
– piper,
– 1 konservë mish toni.

Përgatitja:

Zieni makaronat dhe kulloni.

Në vaj fërgoni preshin që të zbutet mirë, shtoni erëzat, kripën, piperin, domaten e zier dhe lini të vlojnë derisa të avullojë lëngu.

Në fund shtoni mishin e tonit, por edhe atë fërgojeni pak.

Sipër makaronave qitni salcë dhe kënaquni me çdo kafshatë… /Telegrafi/