RTV Pendimi
Flyer Fahrschule struga
Akademi Kuranit
Goodlife
Auto Lider
Kompania Ziel Bau
KDI: Mangësi të shumta në menaxhimin e financave komunale
Lajme

KDI: Mangësi të shumta në menaxhimin e financave komunale

Instituti Demokratik i Kosovës (KDI) dhe organizatat joqeveritare partnere të tij, prezantuan gjetjet kryesore të raportit “Menaxhimi i parasë publike në sytë e Auditorit të Përgjithshëm”, i cili ka të bëjë me vitin 2017 për komunat e Prizrenit, Suharekës, Ferizajt, Lipjanit, Podujevës dhe Istogut, raporton Anadolu Agency (AA).

Diana Metushi Krasniqi nga KDI, theksoi se është i nevojshëm instalimi i mekanizmave të cilët do të sigurojnë zbatimin e rekomandimeve, edhe pse siç tha, të gjitha gjetjet e Revizorit nuk kualifikohen për një hetim penal lidhur me problemet e planifikimit dhe shfrytëzimit të buxhetit.

“Ndonëse raporti vjetor i Auditorit të Përgjithshëm për parregullsitë përsërit të njëjtat shkelje nga viti në vit, rekomandimet për vitin paraprak nuk janë adresuar dhe organizatat buxhetore janë imune nga ndjekja penale. Është prokuroria e Shtetit si një autoritet i vetëm i cili në rast të shkeljes mund të iniciojë hetime penale kundër kryetarit dhe zyrtarëve të tjerë komunalë, të cilët nga ana e tyre janë të detyruar të zbatojnë këto rekomandime të auditorit”, tha Metushi Krasniqi.

Bekim Krasniqi nga organizata YAHR prezantoi gjetjet për komunën e Ferizajt, për ku theksoi se edhe kjo komunë ka një realizim të ulët të buxhetit në fushën e investimeve kapitale.

“Komuna e Ferizajt për vitin 2017 ka shpenzuar 95 për qind të buxhetit final, ndërkohë që disa nga problemet në kategorinë e buxhetit kanë të bëjnë me lëshimin e vendimeve për leje të ndërtimit pa përfunduar pagesa e plotë e taksave, mos kryerja e obligimeve nga shfrytëzuesit e pronës komunale dhe mos kryerja e obligimeve nga bizneset dhe punësimi i 40 mësimdhënësve pa konkurs”, tha Krasniqi.

Erolina Morina nga Instituti për Zhvillim të Qëndrueshëm të të Rinjve (ISDY), theksoi se në komunat e Suharekës dhe Prizrenit janë vërejtur mangësi më menaxhimin me marrëveshjet për investimet kapitale.

Ajo tha se komuna e Prizrenit, e cila ka realizuar 91 për qind të buxhetit, kishte probleme me menaxhimin e tenderëve, mbledhjen e inputeve dhe regjistrimin e pasurive të tjera.

Edhe komunat e Istogut dhe Podujevës kanë mangësi të ngjashme, për çka raporti rekomandon që kryetarët e komunave të zbatojnë ligjet në menaxhimin e financave publike dhe të zbatojnë masa disiplinore të cilat do të duhet të çojnë në shkarkimin e zyrtarëve financiarë për shkak të dështimeve sistemore të radhitura në raportet e Auditorit të Përgjithshëm.

Postimet e ngjajshme

Prioritetet e axhendës “Drejtësia 2020” në Kosovë: Zvogëlimi i numrit të lëndëve

Kushtrim Guraj

Bie numri i aksidenteve fatale në autostradë

Kushtrim Guraj

Presidenti Erdoğan takim me homologun rus, Vladimir Putin

Kushtrim Guraj

Reagim nga redaksia e RTV Pendimit

Hevzi Hasani

Austri, politikanët në vitin 2018 morën pjesë në 20 fushata kundër muslimanëve

Hevzi Hasani

SBASHK refuzoi ofertën e Qeverisë së Kosovës, greva vazhdon

Kushtrim Guraj

Meta: Mali i Zi për dy dekada faktor stabiliteti në rajon

Kushtrim Guraj

“Jetimat e Ballkanit” nuk ndalen, ndërtojnë 5 shtëpi në Komunën e Hanit të Elezit

Kushtrim Guraj

Filipine, muslimanët Moro votojnë në referendumin historik

Kushtrim Guraj
%d bloggers like this: