RTV Pendimi
Flyer Fahrschule struga
Auto Lider
Kompania Ziel Bau
Lajme

Halil Kastrati rrëfen për sëmundjen e djalit, një person i ofron veshkën

Ndihmoi shumë jetim e bëri më kulm shumë familje ta pastreha, pa fituar asgjë në këmbim. Por, tani Hoxha dhe humanisti i njohur, Halil Kastrati ka nevojë për ndihmën e qytetarëve.

Kjo nuk është ndihmë financiare, por ndihmë shpirtërore, duke u lutur që djali tij Ujvesi të shërohet nga sëmundja e rëndë me të cilën është duke u sfiduar, shkruan Indeksonline.

Bamirësi Halil Kastrati në një intervistë për Indeksonline ka thënë se djali i tij është në Beograd ku po merr diagnozë.

Ai është shprehur se djali tij po merr një terapi të rënd e cila ia ka humbur edhe shikimin.

“Ne kemi shprehur se kemi nevojë për lutjet e juaja dhe kjo fjalë e imja ka marre vërshime të mëdha të lutjeve. Djali e ka një terapi shumë të rënd, bëhet fjalë për një damar të trurit e cila ja ka hup shikimin krejt, edhe varet prej terapisë nëse reagon atëherë do të këtë shpresa për të, e nëse jo atëherë çka ka deshtë zoti. Unë çdo moment jam duke pritur lajm nga jashtë ku është djali. Djali është ne Beogradi. Beogradi i ka nxjerr diagnozën e saktë se na e kemi pasur në disa vende, Shkup e Turqi. Ata i kanë nxjerr diagnozën dhe është duke u trajtua atje”, ka thënë Kastrati me një zë të ngrysur.

Për djalin e Halilit, shumë qytetarë kanë shpërndarë duke bërë lutje, e shumë të tjerë i kanë shkruar privatisht atij duke shprehur gatishmërinë për ndihmë qoftë edhe financiare.

Mirëpo, Kastrati thotë se nuk ka nevojë për financa e donacione, por vetëm lutje për shërim të djalit.

“Po unë e kom bo këtë lutje në disa media, me kanë thirr disa njerëz. Por, ne nuk kemi nevojë për dhurim veshkave, donacione, ndihma. E vetmja ndihmë që kemi nevojë janë lutjet e juva te Zoti. Unë i jam mirënjohës krejt popullit tem, i jam mirënjohës politikanëve, me kanë thirr disa Behgjet Pacolli, Sami Lushtaku, Bekim Jashari, me kanë thirr shumë… nuk e di telefoni jem është aktiv pa ndërprerë nga thirrjet, u jam mirënjohës shumë. Mirënjohës u jam edhe juve mediave, që e keni publiku mesazhin tonë, faleminderit u jem mirënjohës të gjithëve familjarisht”, ka shtuar humanisti Kastrati.

Ai tutje ka treguar se dy raste ka pasur që njerëzit kanë ofruar edhe veshkë për shërimin e djalit të tij.

“Ishte njëri i Ferizajit, njëri i Prizrenit. Do të takohemi me atë të Prizrenit. Ka pas shumë gatishmëri prej institucioneve e popullit. Por, e vetmja gjë që kemi kërkuar janë lutjet. Nuk kemi kërkuar as donacione as asgjë, pos lutje”, ka rrëfyer tutje ai.

Përveç dy rasteve që kanë shprehur gatishmëri të dhurojnë veshkën për Ujvesin, edhe një veteran i luftës ka shprehur vullnet që të dhurojë veshkën për djalin e Kastratit.

Veterani i luftës në zonën e Dukagjinit dhe ish oficeri i TMK-së, Shqiprim Lika për Indeksonline ka thënë se pa asnjë hezitim mund të dhurojë veshkën për djalin e sëmurë.

“Nuk e njoh personalisht, por vetëm e pash si lajm që fëmija i tij ka nevojë për shërim. Si veteran i luftës, si qytetar, si bashkëvendës për shkak të gjendjes së fëmijës së tij, mund ta dhuroj edhe veshkën temë, këtë mundësi e kam. Një veshkë e dhuroj për atë fëmijë nëse ka nevojë, pa asnjë hezitim”, ka thënë Lika.

Ai është shprehur se këtë e bënë për shkak të ndihmave që Halil Kastratiti ka bërë për qytetarët e Kosovës, e të cilin e çmon shumë për angazhim.

“Duke parë të bëmat si humanist, nuk e njoh personalisht, por qytetarët i ka ndihmuar shumë. E çmoj shumë angazhimin e tij për popullin dhe me preku shumë. Kjo është arsyeja pse u lajmërova vet vullnetarisht”, ka përfunduar ai.

Kujtojmë që Halil Kastrati i ka dalë në ndihmë shumë familjeve me gjendje të vështirë ekonomike.

Ai deri me tani ka arritur që tu sigurojë kulm mbi kokë 100 familjeve, ndërsa shpreson se deri në fund të këtij vitit ky numër të dyfishohet.

Kastrati e drejton shoqatën bamirëse ‘Jetimat e Ballkanit” e cila është e shtrirë në tërë territorin e Kosovës ndërsa, kuzhinat humanitare janë prezentë në tre qytete: Mitrovicë, Pejë dhe Prizren ku ushqehen jetimët, skamnorët e të pastrehët.

Postimet e ngjajshme

IHH shtriu dorën e ndihmës për 1,3 milionë muslimanë Rohingya

Kushtrim Guraj

Turqia merr primatin për botimin e Kur’anit me alfabetin Braille

Kushtrim Guraj

Dr . Shefqet Krasniqi: 50 herë kam thënë se lufta në Siri nuk është ‘farz’ për kosovarët

Hevzi Hasani

Dr. Shefqet Krasniqi për LGBTI: Më vjen turp të flas para popullit për gjëra të tilla

Hevzi Hasani

Moti nga sot deri të premten

Kushtrim Guraj

Kosova importon mbi 94% të grurit nga Serbia

Kushtrim Guraj

Samiti i Interpolit konfirmon, të martën votohet për anëtarësimin e Kosovës

Kushtrim Guraj

Aktivisti australian do të ecë 727 kilometra për Palestinën

Kushtrim Guraj

Ministri Bushati vizitë në Emiratet e Bashkuara Arabe

Kushtrim Guraj