RTV Pendimi
Kompania Ziel Bau
Auto Lider
Akademi Kuranit
Flyer Fahrschule struga
Goodlife
Lajme

Erdoğan: Turqia nisi operacione anti-terroriste në Kandil dhe Sinxhar

Turqia ka nisur operacione anti-terroriste në rajonet Kandil dhe Sinxhar në Irakun verior, tha presidenti Recep Tayyip Erdoğan, raporton Anadolu Agency (AA).

Duke iu adresuar qytetarëve në provincën qendrore Niğde, Erdoğan tha: “Ne kemi filluar operacionet antiterroriste në Kandil dhe Sinxhar. Kemi shkatërruar 14 objektiva të rëndësishëm me 20 avionë tanë”.

“Ata (aeroplanët luftarakë) qëlluan dhe u kthyen, por ende nuk ka përfunduar. Do të vazhdojë”, shtoi presidenti turk.

Duke iu referuar rajonit të Kandilit, Erdoğan tha se pas pastrimit të këtij rajoni, ai më nuk do të jetë kërcënim dhe burim terrorizmi për Turqinë dhe kombin turk.

Në ditët e fundit, zyrtarët turq kishin sugjeruar se rajoni i Malit të Kandilit në Irakun verior pranë kufirit iranian, ku grupi terrorist ka selinë e tij, mund të ishte objektiv i një operacioni të ardhshëm.

Operacionet ajrore mbi objektivat e PKK-së në Irakun e veriut, ku grupi terrorist ka bazën e vet kryesore në rajonin e Malit Kandil pranë kufirit iranian, janë kryer rregullisht që nga korriku i vitit 2015, kur PKK rifilloi fushatën e saj të armatosur.

PKK cilësohet si organizatë terroriste nga Turqia, SHBA dhe BE. Në fushatën terroriste kundër Turqisë, e cila ka zgjatur më shumë se tre dekada, janë vrarë mbi 40 mijë njerëz, përfshirë gra dhe fëmijë.

Duke deklaruar se terroristët do të paguajnë për njerëzit e martirizuar, Erdoğan tha se Turqia deri më tani ka neutralizuar mbi 4,500 terroristë gjatë Operacionit Dega e Ullirit në rajonin e Afrinit në Siri.

“Ne do të thajmë moçalin e terrorit në Kandil ashtu siç e pastruam Afrinin, Jarabulusin, Al-Babin dhe Azezin nga kopetë e vrasësve”, tha Erdoğan lidhur me operacionet Dega e Ullirit dhe Mburoja e Eufratit.

Operacioni Mburoja e Eufratit, i cili filloi në gusht të vitit 2016 dhe përfundoi në mars të vitit 2017, kishte për qëllim eliminimin e kërcënimit terrorist përgjatë kufirit turk.

Më 20 janar të këtij viti, Turqia nisi Operacionin Dega e Ullirit për të larguar terroristët e YPG/PKK-së dhe DEASH-it nga rajoni veriperëndimor sirian i Afrinit.

Më 18 mars, në ditën e 58-të të operacionit, trupat turke dhe pjesëtarët e Ushtrisë së Lirë Siriane çliruan qytetin Afrin.

Postimet e ngjajshme

Bie numri i aksidenteve fatale në autostradë

Kushtrim Guraj

Presidenti Erdoğan takim me homologun rus, Vladimir Putin

Kushtrim Guraj

Reagim nga redaksia e RTV Pendimit

Hevzi Hasani

Austri, politikanët në vitin 2018 morën pjesë në 20 fushata kundër muslimanëve

Hevzi Hasani

SBASHK refuzoi ofertën e Qeverisë së Kosovës, greva vazhdon

Kushtrim Guraj

Meta: Mali i Zi për dy dekada faktor stabiliteti në rajon

Kushtrim Guraj

“Jetimat e Ballkanit” nuk ndalen, ndërtojnë 5 shtëpi në Komunën e Hanit të Elezit

Kushtrim Guraj

Filipine, muslimanët Moro votojnë në referendumin historik

Kushtrim Guraj

Në Japoni ndërroi jetë burri më i vjetër në botë

Kushtrim Guraj
%d bloggers like this: