RTV Pendimi
BE-ja dhe NATO përshëndesin miratimin e ndryshimet kushtetuese në Maqedoni
Lajme

BE-ja dhe NATO përshëndesin miratimin e ndryshimet kushtetuese në Maqedoni

Bashkimi Evropian (BE) dhe NATO kanë përshëndetur miratimin e ndryshimeve kushtetuese në Maqedoni, duke e cilësuar këtë “ një hap kyç në drejtim të zbatimit të Marrëveshjes së Prespës”, raporton Anadolu Agency (AA).

Përfaqësuesja e Lartë e BE-së për Politikë të Jashtme, Federica Mogherini dhe Komisioneri për Politikë Evropiane të Fqinjësisë dhe Negociata të Zgjerimit, Johannes Hahn, përmes një deklarate të përbashkët përshëndetën miratimin e ndryshimeve kushtetuese.

“Udhëheqësit politikë dhe qytetarët e treguan vendosmërinë e tyre për të arritur këtë mundësi unike historike për të zgjidhur një nga mosmarrëveshjet më të vjetra në rajon dhe me vendosmëri për të ecur para në rrugën drejt BE-së”, theksohet në deklaratën e shkruar

Ata shtojnë se BE-ja mbështet fuqishëm Marrëveshjen e Prespës “si një shembull të pajtimit në rajon dhe në Evropë”.

“Përderisa presim për përfundimin e hapave që çojnë në zbatimin e plotë të Marrëveshjes së Prespës, Bashkimi Evropian mbetet e vendosur të vazhdojë të mbështesë dhe shoqërojë vendin drejt qëllimit të saj strategjik të integrimit”, thuhet në deklaratë.

Urime deri te kryeministri i Maqedonisë, Zoran Zaev, dërgoi edhe sekretari i NATO-s, Jens Stoltenberg.

“E përgëzoj kryeministrin Zoran Zaev për votimin e fundit në Kuvend për Marrëveshjen e Prespës. NATO fuqishëm mbështet zbatimin e plotë të marrëveshjes, që është një kontribut i rëndësishëm në një rajon të qëndrueshëm dhe të begatë”, ka shkruar Stoltenberg në llogarinë e tij në twitter.

Me mbështetjen e dy të tretave të deputetëve apo 81 vota, Kuvendi i Maqedonisë miratoi katër amandamentet me të cilat do të ndryshohet emri kushtetues në Republika e Maqedonisë së Veriut, pasi që Marrëveshja e Prespës të ratifikohet edhe nga pala greke.

Postimet e ngjajshme

Ezani këndohet drejtpërsëdrejti në radion dhe televizionin shtetëror të Zelandës së Re

Kushtrim Guraj

Muaj i Ramazanit nis me 6 maj

Kushtrim Guraj

Qeveria merr vendim, ndalohen të gjitha lojërat e fatit

Kushtrim Guraj

Ligji i të drejtës së autorit në BE, Wikipedia kalon offline

Kushtrim Guraj

Ligji i ri në Gjermani, qeveria jep 1,3 miliardë euro për fëmijët e varfër

Kushtrim Guraj

Një shtatëvjeçar nga Kosova vritet me thikë në Zvicër

Kushtrim Guraj

OBI në seancën e jashtëzakonshme fton delegacionet e OKB, BE dhe OSBE

Kushtrim Guraj

Shkup, shënohet dita botërore e sindromës Down

Kushtrim Guraj

Reagime në Srebrenicë ndaj aktvendimit për Karaxhiçin: Duhet dënuar vepra e tij

Kushtrim Guraj