RTV Pendimi
Tribuna per Jetimat
Kompania Ziel Bau
Auto Lider
Lajme

Aeroporti i ri i Stambollit do të jetë margaritari i Turqisë

ANKARA (AA) – Pak muaj kanë mbetur nga hapja e aeroportit të madh të Stambollit, i cili pritet të shërbejë 90 milionë pasagjerë në vit, numër ky që deri në vitin 2023, pritet të shkojë në të paktën 150 milionë pasagjerë, raporton Anadolu Agency (AA).

“Fillimisht do të ketë një kapacitet prej 90 milionë pasagjerësh në vit, dhe ky numër në vitin 2023 do të rritet në 150 milionë pasagjerë në vit”, tha të dielën presidenti i Turqisë, Recep Tayyip Erdoğan gjatë një iftari të shtruar.

Në të njëjtin fjalim Erdoğan tha se aeroporti i ri ishte radhitur në mesin e tre aeroporteve kryesore ndërkombëtare.

Turqia njoftoi Asociacionin Ndërkombëtar të Transportit Ajror (IATA) dhe Organizatën Ndërkombëtare të Aviacionit Civil (ICAO) për hapjen e aeroportit më 29 tetor të vitit 2018, që korrespodon me Ditën e Republikës së Turqisë.

Ministri i Transportit, Ahmet Arslan ka njoftuar tashmë se mbi 90 për qind e punëve ndërtimore kanë përfunduar.

Më hërët presidenti turk kishte njoftuar se projekti do t’i sigurojë vendit të ardhura mbi 26 miliardë euro.

Aeroporti është duke u ndërtuar nga një konzorcium prej pesë kompanishë: Limak, Kolin, Cengiz, Harta dhe Kalyon.

Emri i aeroportit ende nuk është vendosur, ndonëse presidenti Erdoğan kishte thënë se kontraktuesit mund të vendosnin për emrin.

Investimi 120 milionë eurosh e bën aeroportin e ri të Stambollit, me kompleksin më të madh të tregtisë pa doganë në botë.

Kompleksi me shitoret shtrihet në 53.000 metra katrorë, në të cilën do të ketë dyqane të markave luksoze.

Nga viti 2008 deri në vitin 2017, gjithsej 1.38 miliard njerëz kanë udhëtuar nëpër aeroportet e Turqisë.

Postimet e ngjajshme

Gjermania ndalon eksportin e armëve për Arabinë Saudite

Kushtrim Guraj

Shpërthim në Idlib, disa të vdekur

Kushtrim Guraj

Pyetja që shtrojnë të gjithë: “Ku është kufoma e Khashoggit”

Kushtrim Guraj

Arabia Saudite, brenda një viti janë ndaluar 32.000 migrantë të padeklaruar

Kushtrim Guraj

Indonezi, 2.103 të vdekur nga tërmeti dhe cunami

Kushtrim Guraj

“Gazetari saudit Jamal Khashoggi është vrarë me ngulfatje në konsullatë”

Kushtrim Guraj

Pacolli: Kosova do ta kishte vështirë të ecë me tempon e vet pa mbështetjen e Turqisë

Kushtrim Guraj

Çavuşoğlu: Mbështesim procesin e dialogut mes Prishtinës dhe Beogradit

Kushtrim Guraj

Hoxhaj: Shqipëria është partneri më strategjik që kemi në rajon

Kushtrim Guraj